İsrail İmam Hüseyn Universitetini də vurdu

Tehran yaxınlığındakı raket zavodundan əlavə İsrail aviasiyası şəhərin şərq kənarında yerləşən hərbi İmam Hüseyn Universitetini də vurub.
Publika.az xəbər verir ki, bu barədə İran mediası məlumat yayıb.
Bu universitet, açıq mənbələrə görə, İslam İnqilabı Keşikçiləri Korpusu üçün kadrlar hazırlayır.
İsrail aviasiyası son üç saat ərzində Tehran ərazisindəki hədəflərə yeni zərbələr endirir.
İsrail ordusu yerli vaxtla səhər saat 4-də “X” hesabına fars dilində yeni zərbə dalğasının başladığını elan edib. Bundan əvvəl Tehranın cənub-qərbində yerləşən məhəllə sakinlərini təxliyə etmək üçün xəbərdarlıq etmişdi.