Ərdoğana “Cənubi Azərbaycanı xilas et” çağırışı – Urmiya ilə bağlı müraciət

Türkiyə prezidenti Rəcəb Tayyip Ərdoğana Cənubi Azərbaycanla bağlı diqqətçəkən müraciət ünvanlanıb.

Reportyor.tv xəbər verir ki, “Cənubi Azərbaycanın Koordinasiya Platforması” təşkilatı Türkiyə liderinə məktub göndərərək Urmiya bölgəsində vəziyyətlə bağlı narahatlıq ifadə edib.

Məktub müəllifləri bölgədə soyqırım təhlükəsi və işğal riskinin mövcud olduğunu bildiriblər.

Müraciətdə Türkiyə prezidentinin “türk dünyasının lideri” olmağı xüsusi vurğulanır. Müraciətdə Rəcəb Tayyip Ərdoğandan bölgədə yaşayan əhalinin guya silahlı qruplardan qorunması üçün addımlar atması gözləntisi ifadə edilir.

Məktubda Urmiya və ətraf ərazilərdə təhlükəsizlik vəziyyəti ilə bağlı narahatlıq vurğulanır və Türkiyənin regional təsir imkanlarından istifadə etməsinin vacibliyi qeyd olunur.

Müraciət müəllifləri Ankaranın beynəlxalq səviyyədə məsələni gündəmə gətirməsinin bölgədəki proseslərə təsir göstərə biləcəyini bildiriblər.

Musavat.com