ABŞ İrana qarşı növbəti zərbələr dalğasına başladı

ABŞ hərbçiləri İrana qarşı ikinci zərbə mərhələsini həyata keçirməyə başlayıblar.

Reportyor.tv xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.

Bildirilib ki, "ABŞ-ın şərq sahili vaxtı ilə saat 15:00-da (Bakı vaxtı ilə 23:00 - red.) ABŞ Silahlı Qüvvələri İrana qarşı zərbələrin ikinci dalğasına başlayıb. Zərbələr Hörmüz boğazından sərbəst şəkildə keçən gəmilərə qarşı təhdid yaratmaq üçün istifadə edilən İranın hərbi obyektlərini hədəf alır".

Əməliyyatın əsas məqsədi İranın dəniz nəqliyyatına qarşı istifadə etdiyi hərbi imkanların zəiflədilməsidir.

Publika.az