Koronavirusa yoluxma sayına görə ABŞ- dünyada ikinci oldu - "Supergüc" aciz qalıb

Amerika koronavirus (COVİD-19) infeksiyasına yoluxma sayına görə Çindən sonra dünyada ikinci yerə yüksəlib.
Musavat.com xarici mənbələrə istinadən bildirir ki, son saatlarda Amerikada 12 min 643 nəfər koronavirusa yoluxub, 136 nəfər isə ölüb. Ümumilikdə ABŞ-da yoluxanların sayı 80 min 854 nəfər, ölənlər isə 1163 nəfərdir. 
Son saatlara qədər Çindən sonra yoluxanların sayına görə İtaliya gəlirdi. Hazırda Çində ümumilikdə 81 min 285 nəfər koronavirusa yoluxan var. İtaliyada isə bu göstərici 80 min 539 nəfərdir. Ekspertlər hesab edirlər ki, ABŞ yaxın saatlarda yoluxma sayına görə Çini də keçəcək.