“Qalatasaray”dan ayrılır, Rusiya klubuna keçir

“Qalatasaray”ın beynəlxalq əlaqələr və skaut departamentinin rəhbəri Frensis Caqiqao karyerasını Rusiyada davam etdirəcək.
Publika.az xəbər verir ki, jurnalist Burhan Gian Terzinin sözlərinə görə, 55 yaşlı ispaniyalı postunu tərk edərək Rusiya klubunda işləməyə hazırlaşır.
Daha əvvəl bildirilmişdi ki, Caqiqao “Spartak”ın idman direktoru vəzifəsinə əsas namizədlərdən biridir. Mütəxəssis 23 ildən artıq “Arsenal”da skaut kimi çalışıb, eyni zamanda Çili millisinin texniki direktoru olub.