Monqolustan Putini niyə həbs etmədi

Monqolustan hökuməti Rusiya prezidenti Vladimir Putinin Beynəlxalq Cinayət Məhkəməsinin orderi əsasında həbsindən imtina etməsini enerji asılılığı və neytrallıq siyasəti ilə izah edib.
Bu barədə Politico hökumət nümayəndəsinə istinadən yazır.
O bildirib ki, Monqolustan neft məhsullarının 95%-ni və elektrik enerjisinin 20%-dən çoxunu qonşu ölkələrdən idxal edir.
"Bu təchizatlar bizim və xalqımızın varlığını təmin etmək üçün çox vacibdir",- hökumət nümayəndəsi deyib.
Nümayəndə əlavə edib ki, Ulan-Bator bütün diplomatik münasibətlərində həmişə neytrallıq siyasətini davam etdirib. Qeyd edək ki, Monqolustan Roma Əsasnaməsini imzalayıb və Putinin həbsinə order verən BCM-nin yurisdiksiyasını qəbul edir.