Birinin 8, digərinin 13 yaşı var - QALMAQALLI TOYDAN GÖRÜNTÜLƏR

Rusiyanın Həştərxan vilayətində 8 yaşlı oğlanla 13 yaşlı qızın evlənməsi qalmaqala səbəb olub.
Reportyor.tv xəbər verir ki, sözügedən toy mərasimindən görüntülər sosial şəbəkələrdə yayılıb.

Qaraçı icmasına mənsub iki ailə arasında baş tutduğu bildirilən toyu qızın anası təşkil edib.

Rusiya Dövlət Dumasının Ailə Müdafiə Komitəsinin sədri Nina Ostanina isə hadisəyə sərt reaksiya verib.

"Rusiya vətəndaşı olan hər kəs ölkə qanunlarına əməl etməlidir. Biz belə hadisələrlə bağlı cəzalar tətbiq edərkən bu vəziyyətə göz yuma bilmərik",-deyə Nina Ostanina bildirib.

Səlahiyyətlilər hadisə ilə bağlı araşdırmalara başlayıb.

Qeyd edək ki, Rusiyada nikah yaşı 18 yaş müəyyən edilib və 16 yaşlılara yalnız xüsusi hallarda yerli hakimiyyət orqanlarının icazəsi ilə icazə verilir. 
Musavat.com