ABŞ həyəcan təbili çaldı: Ukrayna hərəkət istiqamətini dəyişməsə...

Ukrayna öz ərazilərini itirməkdə davam edir, həm də şəxsi heyəti arasında böyük itkilər verib.
Publika.az xəbər verir ki, bu barədə ABŞ Silahlı Qüvvələrinin istefada olan polkovnik-leytenantı Daniel Devis "Deep Dive" YouTube kanalında danışıb.
“Biz daim daha çox Ukrayna hərbçisinin öldürüldüyünü, ərazilərini itirdiyini və şəhərlərinin məhv edildiyini görürük”, - deyə Davis çıxışını davam etdirib.
O qeyd edib ki, Kiyev üçün vəziyyət bütün cəbhələrdə, o cümlədən taktiki, diplomatik və siyasi baxımdan pisdir.
Devis xəbərdarlıq edib ki, Ukrayna öz hərəkət istiqamətini dəyişməsə, daha ağır nəticələrlə üzləşə bilər.
"Rusiya metodik olaraq qərbə doğru Pokrovska doğru irəliləməyə davam edir və şəhərin ətrafındakı ərazilər getdikcə daha çox rus qoşunlarının və onların artilleriyasının nəzarəti altına keçir", - ekspert vurğulayıb.