Gümrü merinə qarşı sui-qəsd İDDİASI

Gümrü şəhərinin yeni seçilmiş müxalifət meri Vardan Qukasyan hesab edir ki, ona qarşı sui-qəsd hazırlanır.
Bu barədə o, yerli jurnalistlərə danışıb.
"Bizdə məlumat var ki, mənə qarşı pis nəsə hazırlanır. Birdən-birə bizə hücum edilərsə, faktlar dünyanın bütün prezidentlərinə, qurumlarına göndəriləcək ki, bunun arxasında kimin dayandığı aydınlaşsın. Onlar bizi cinayətlə bağlayır, zəmin hazırlayırlar. 2007-ci ildə mənə qarşı törədilmiş analoji hücumun hələ də üstü açılmayıb, bu, başa düşüləndir”, - deyə Qukasyan bildirib.