"Qızıl top"un sahibi meydanlara qayıdır? - VİDEO

"Mançester Siti"nin və İspaniya millisinin yarımmüdafiəçisi Rodri topla fərdi məşqlərə başlayıb.
reportyor.tv xəbər verir ki, müvafiq video “şəhərlilər”in sosial şəbəkə hesablarında paylaşılıb. Görüntülərdə onun topla texniki və fiziki çalışmalar etdiyi görünür.
Onun meydanlara qayıdacağı tarix barədə heç bir məlumat verilməyib.
Rodri sentyabrın 22-də İngiltərə Premyer Liqasının 5-ci turunun "Arsenal"la oyununda (2:2) sıradan çıxıb. 28 yaşlı yarımmüdafiəçiyə daha sonra sağ dizinin ön çarpaz bağının yırtılması diaqnozu qoyulub. O, yaşıl meydanlardan kənar qaldığı müddətdə "Qızıl top" mükafatını qazanmaqla gündəmə gəlib.