Azərbaycanda AİLƏ FACİƏSİ: 3 nəfər öldü, 1 nəfər... - YENİLƏNDİ

İmişli rayonunda dəm qazından boğularaq ölən şəxslərin adları məlum olub.
reportyor.tv xəbər verir ki, Bəhrəmtəpə qəsəbəsində qeydə alınan hadisədə ölənlər bir ailənin üzvüdür, digər bir nəfərin müalicəsi isə xəstəxanada davam etdirilir. Hadisədə Azadova Mehriban İdris qızı və onun övladları - Azadov Məhəmməd və Azadova Fatimə ölüb, ailə başçısı Azadov Vasif Əlirza oğlu isə İmişli Rayon Mərkəzi Xəstəxana hospitalizasiya olunub. Onun vəziyyəti ağır qiymətləndirilir.
xxx
22:48
İmişli rayonunda bədbəxt hadisə baş verib.
reportyor.tv Report"a istinadla xəbər verir ki, hadisə rayonun Bəhrəmtəpə qəsəbəsində qeydə alınıb.
İlkin məlumata görə, bir ailənin üç üzvü yaşadıqları evdə dəm qazından boğularaq ölüb, bir nəfər isə ağır vəziyyətdə xəstəxanaya yerləşdirilib.
Hazırda onların şəxsiyyəti dəqiqləşdirilir.
Faktla bağlı araşdırma aparılır.