Siyəzəndə dağlıq ərazidə yanğın başlayıb

Siyəzən rayonunda dağlıq ərazidə yanğın başlayıb.
Reportyor.tv şimal bürosunun verdiyi məlumata görə, yanğın rayonun Zarat kəndi ərazisində qeydə alınıb. Mürəkkəb relyefli dağlıq ərazidə başlayan yanğının söndürülməsi üçün əraziyə Fövqəladə Hallar Nazirliyinin Siyəzən və Xızı rayonlarının Dövlət Yanğından Mühafizə Xidmətinin canlı qüvvəsi və texnikası cəlb olunub.
Yanğının söndürülməsi istiqamətində işlər davam etdirilir.