Oğlu da yalan danışıb: 20 avro hara, 6-7 min hara…

Xose Mariya Enrikes Neqreyranın oğlu “Barselona”dan aldığı məbləğlər barədə yalan danışıb.
reportyor.tv xəbər verir ki, bu barədə “La Sexta” məlumat yayıb. Bildirilir ki, texniki hakimlər komitəsinin keçmiş vitse-prezidentinin oğlu Xavyer Henrikes Romero vergi bəyannaməsində hakimlərlə bağlı hər hesabata görə Kataloniya klubundan 20 avro aldığını göstərib.
Amma polisə ifadə verərkən Romero başqa rəqəm deyib. O, hər hesabata görə 6-7 min avro aldığını bildirib. Qeyd edib ki, sənədlər çox əhatəli olub və 20 səhifəyə qədərdir.