Yolun bərpası istiqamətində müvəqqəti işlər görülsə də, sakinlərin narahatlığına son qoyulmayıb.
Bu körpü qəsəbə ilə paytaxt Bakını əlaqələndirən yeganə yolun üzərində yerləşir.
Güclü yağış səbəbindən körpü uçaraq yararsız hala düşüb, lakin qəsəbə sakinləri iddia edir ki, körpü təkcə yağışlar səbəbindən uçmayıb.
2015-ci ildə əsaslı təmir olunan körpü maksimum 8 ton yük daşıma qabiliyyətinə malikdir.
Sakinlərin sözlərinə görə, yük maşınları heç nəyə məhəl qoymur və dəfələrlə böyük yük daşıyırlar.
Hazırda uçan körpünün yanında müvəqqəti yol salınıb. Dövlət qurumundan bildirilib ki, sözügedən ərazidə yeni körpünün inşası ilə bağlı təkliflər hazırlanaraq aidiyyəti üzrə təqdim olunub.
Şərhlər