"Məşuqələrinizi dövlətin yox, öz pulunuzla dolandırın" - Lukaşenkodan məmurlara

Belarus prezidenti Aleksandr Lukaşenko məmurları dövlət hesabına deyil, öz pulları ilə məşuqələrinə dəstək olmağa çağırıb.

O, bu barədə bədən tərbiyəsi və idman təşkilatlarına dəstəyin göstərilməsi məsələsinə həsr olunmuş iclasda bildirib.

Lukaşenko idman klublarına və federasiyalara ayrılan dövlət pullarına necə nəzarət edildiyini oradakı məmurlardan öyrənmək istəyib. O, onlara xəbərdarlıq edib ki, bu gün bu vəsaitlərin əslində hara getdiyini izləməkdə problem yoxdur.

"Və görəcəyik. Amma kişi kimi demək istəyirəm ki, siz zəhmət olmasa ailənizi, yaxınlarınızı, sevgilinizi və başqalarını öz pulunuzla dolandırın. Harda istəyirsən pul qazan və onlara dəstək ol. Bu, əsl insanlıq və kişilik olacaq”, - deyə Belarus lideri əlavə edib.