Avropa mayda LNG idxalına daha çox üstünlük verib

Hesabata əsasən, may ayında bölgəyə 13,73 mlrd. kubmetr boru kəmərləri ilə nəql edilən qaza qarşı 13,95 mlrd. kubmetr LNG (təkrar qazlaşdırılmış formada) idxal edilib. Belə ki, birinci göstərici keçən ilin may ayı ilə müqayisədə 37% azalıb, ikinci isə 14% artıb.
Eyni zamanda, Avropa ölkələri yanvar-may aylarında LNG-dən demək olar ki, 13% çox boru kəmərləri ilə nəql edilən qazı idxal ediblər - 66,7 mlrd. kubmetrə qarşı 75,31 mmlrd. kubmetr.
Ümumilikdə may ayında bölgə üzrə qaz istehlakında azalma illik ifadədə 6% və ya 20 milyard kubmetr təşkil edib. Hesabatda qeyd olunur ki, bu, əsasən bərpa olunan mənbələrdən enerji istehsalının artması və 2023-cü il aprelin 1-dən 2024-cü il martın 31-dək regionda qaz istehlakının könüllü olaraq 15% azalması ilə bağlıdır.