ABŞ-nin Ciddədəki konsulluğu qarşısında silahlı şəxs zərərsizləşdirilib - YENİLƏNİB

Səudiyyə Ərəbistanının Ciddə şəhərindəki konsulluğun qarşısında atışma zamanı ölənlər arasında ABŞ vətəndaşı yoxdur.
Reportyor.tv xəbər verir ki, bu barədə Dövlət Departamenti məlumat yayıb.

Səudiyyə Ərəbistanının təhlükəsizlik qüvvələri Ciddədəki ABŞ konsulluğu qarşısında bir nəfəri odlu silahla öldürüb.
Reportyor.tv xəbər verir ki, bu barədə “Saudi Press” Məkkə polisinin sözçüsünə istinadən məlumat yayıb.
Onun sözlərinə görə, çərşənbə günü saat 18:45-də Ciddə əyalətindəki Amerika konsulluğunun binasında avtomobil dayanıb və oradan əlində odlu silah olan şəxs çıxıb. Təhlükəsizlik qüvvələri vəziyyətə uyğun hərəkət edərək onu zərərsizləşdirib.
Agentlik bildirir ki, ABŞ-ın Ciddədəki konsulluğunun mühafizəçisi də diplomatik nümayəndəliyə hücum nəticəsində həlak olub.