Ukraynanın səhiyyə naziri: “Karantinin ləğv edilməsini gözləmək yersizdir”

“Ukrayna koronavirusa görə tətbiq edilmiş karantindən çıxması tezdir”.
UNİAN xəbər verir ki, bunu ölkənin Səhiyyə naziri Maksim Stepanov deyib.
“Bugünkü yoluxanların sayını nəzərə alsaq, karantinin ləğv edilməsini yersiz hesab etmək olar. Əlbəttə Ukrayna üçün çıxış yolları axtarırıq. Əminliklə deyə bilərəm ki, bunu koronavirusa yoluxanların sayında sürətlə azalma gördüyümüz zaman edə bilərik”, - deyə ukraynalı nazir bildirib.
O, virusa son 24 saatda yoluxanların sayının əvvəlki gündən 11,2% çox olduğunu qeyd edib.