Bu ölkə koronavirusa qalib gəlir

Son 24 saat ərzində Cənubi Koreyada koronavirus infeksiyasından ölüm halı qeydə alınmayıb.
Publika.az "TASS”a istinadla xəbər verir ki, bu barədə ölkənin Səhiyyə Nazirliyinin Xəstəliklərə Nəzarət və Profilaktika Mərkəzi məlumat yayıb.
Bildirilib ki, COVID-19 üçün götürülən analiz nümunələrinin 17-si müsbət çıxıb.
Koronavirusa yoluxanların altısı xaricdən gələn ölkə vətəndaşlarıdır.
Bununla da ölkədə 12 438 nəfərin koronavirus infeksiyasına yoluxması faktı müəyyən edilib, onlardan 10 881 nəfər müalicə olunaraq sağalıb.
Müalicə alan 280 xəstəni xilas etmək mümkün olmayıb.