Şamaxıda 18 yaşlı sürücü qəza törədib, ölən və xəsarət alanlar var - YENİLƏNİB

Şamaxı-Çöl Göylər-Padar avtomobil yolunda hərəkətdə olan “Mercedes” markalı avtomobilin sürücüsü, 2005-ci il təvəllüdlü Sabirabad rayon sakini Fərhad Quliyevin idarəetməni itirməsi nəticəsində nəqliyyat vasitəsi yolun kənarına aşıb.
DİN-in Mətbuat Xidmətinin Şəki regional qrupundan Reportyor.tv  bildirilib ki, xəsarət alan F.Quliyev və avtomobildə olan üç sərnişin Sabirabad rayon mərkəzi xəstəxanasına çatdırılsa da, göstərilən tibbi müdaxilələrə baxmayaraq sürücü orada vəfat edib.

Şamaxıda ölümlə nəticələnən yol qəzası olub.
Reportyor.tv xəbər verir ki, 2005-ci il təvəllüdlü Fərhad Quliyev idarə etdiyi "Mercedes" markalı avtomobillə idarəetməni itirərək qəza törədib.
Nəticədə sürücü ölüb, avtomobildə olan 3 nəfər xəsarət alıb.
Faktla bağlı cinayət işi başlayıb.
Əbülfət Baxşəli